Tumba
de Fernán Pérez de Andrade |
...E
A IDADE DOS CABALEIROS
(TUMBA DE FERNÁN PÉREZ
DE ANDRADE O BOO, |
| Lugar:
Igrexa de Santa María a Nova. Noia - A Coruña.
1300-1500 d.C. |
O
maior número de tumbas que se conservan da Idade Media
foron feitas para os aristócratas da época. A
diferencia das gremiais, as tumbas dos nobles se construían
en espacios reservados dentro das igrexas, co cal se conservaron
mellor. Aquí todo é luxo e ostentación.
Esculturas a tamaño real, de persoas deitadas que máis
semellan durmir que estar mortas, tapando a zona superior do
sartego. Cabaleiros vestidos cos seus símbolos de poder
(armaduras, grandes espadas estilo Conan, cotas de malla) e
Donas coas súas mellores galas. Mentres as estatuas das
donas rezan, os cabaleiros agárranse á espada
que máis define o seu status social. Se vos fixades,
en moitas veredes un can ó carón da cabeza da
escultura. Simbolizaba a fidelidade matrimonial e, por certo,
é máis abundante nos sartegos das mulleres que
nos homes... A máis espectacular é, sen dúbida,
a tumba de Fernán Pérez de Andrade, o Boo (era
o alcume que lle daban na época), señor das Terras
do Eume, na igrexa franciscana de Betanzos. O sartego está
no medio da nave central da igrexa, e os seus únicos
apoios son catro grandes porcos bravos que exercen de pedestais.
O porco bravo era o 'logo' da Casa dos Andrade. O sartego é
un festexo da vida do defunto e sérvenos para comprender
o modo de vida dos señores feudais. Xenetes e peóns
perseguen a xabaríns e outros animais no medio da fraga.
Algúns vasalos fan soar cornos para dicir por onde se
meteu o xabarín...É imposible quedar impasible
ante un lugar no que a morte se converte nun festival da vida. |
