Castro de St. Tegra |
|
¿PERO
ONDE MORRÍA
A XENTE DOS CASTROS?
|
| Lugar:
Castro de Santa Tegra. A Guarda -Pontevedra.
500-0 a.C.)
|
Unha
gran incógnita. En Galicia hai case 5.000 castros pero
non se coñece ningún enterramento dos seus habitantes.
O gran arqueólogo Federico López Cuevillas afirma
que "da xente das mámoas sabemos onde morría
pero non onde vivía, e da xente dos castros sabemos onde
vivían pero non onde morrían". Os castros
son poboados fortificados, situados no alto de outeiros, e unha
das culturas máis ricas en restos da chamada 'Idade do
Ferro' en Europa, antes da chegada dos romanos. Para saber como
están as cousas, nada mellor que a confesión que
nos fixo un arqueólogo: "estou convencido que un
día polo monte, pisaremos algo, caeremos nun buraco e
atoparemos a tódolos castrexos mortos dentro". o
Castro de Santa Tecla, na Guarda (Pontevedra) é un sitio
estupendo para explorar a vida destes inmortais devanceiros
e...quen sabe, quizais tamén para atopar a senda que
nos leve ata o Cemiterio de Castrexas. |
|
