|
|
| AS
PRIMEIRAS TUMBAS (AS MÁMOAS) |
| Lugar:
Serra do Barbanza - Monte Iroite. 3000-1.500 a.C.
|
As
mámoas son os primeiros enterramentos que se coñecen.
Consisten nun monte de terra, cunha coraza protectora de pedras
(para impedir que os animais escarbaran) todo ó redor.
Os mortos introducíanse na zona central do túmulo,
ou cando xa resultaba un pouco complicado, ó redor. Eran
moi importantes para a xente da época megalítica,
tanto que situaban moitas delas no alto de outeiros e en sitios
prominentes para que puideran ser vistas a moitos quilómetros.
Arqueólogos da Universidade de Santiago manexan a hipótese
de que estiveran colocados nos lugares de paso dos cabalos bravos
que viven nas nosas serras. Explorar as mámoas do Barbanza
é un paseo gratificante, pero para os non experimentados,
pode resultar frustante distinguir o que é mámoa
do que é simplemente un montón de terra. A maioría
delas están profanadas porque no século XVII o
Rei permitiu ó licenciado Ojea a excavación de
miles de túmulos. Durante moitos séculos, a xente
creu que tiñan tesouros acochados e no tempo libre adicábase
ó deporte da excavación. |
|
