Un dos cemiterios máis orixinais do país está no cabo Fisterra. Ollando o mar, nunha aba, derrúbanse bloques de cemento que agardan converterse en tumbas dos que queiran descansar na fin da terra. É un cemiterio laico, desprovisto de símbolos relixiosos, ecléctico e solitario. Deseñado polo prestixioso arquitecto César Portela, o cemiterio pódese ver alá abaixo cando entras con coche na península do cabo. A avangarda tamén chega ó alén.