|
O Centro Dramático Galego, compañía institucional
da autonomía galega, a "Seiva Trupe" de Porto,
a "Compañía de Teatro" de Braga e o "Teatro
do Nortoeste" de Viana do Castelo, compañías
profesionais de teatro sitas en cidades de referencia da Galicia
e Norte de Portugal entenden que chegou o momento de reunirse ó
redor dun grupo de traballo teatral Galicia/Norte de Portugal e,
en consecuencia, percorrer camiños teatrais que as conduzan
a un territorio teatral común onde o diálogo e o intercambio
de propostas teatrais, no máis profundo respecto polas soberanias
teatrais que cada unha destas institucións- e outras que
veñan a adherir a esta vontade- pretende ser un exercicio
de creación coas olladas postas nos cidadáns desta
rexión transfronteiriza.
Recoñecéndose
nas experiencias pioneiras no diálogo inciado nos anos setenda
por "Seiva Trupe", e posteriormente acollido formalemente
no FITEI, rememorando o significado do "festival de teatro
galego-portugués" de Cariño, apoiándose
na materia concreta de diálogo que o "Festeixo"
en Viana do Castelo xa consubstancial para un espacio de reflexión,
debate e encontro que a realización do "Teatragal"
e apublicación da revista "Ensaio" representan,
e enriquecidas por novas experiencias de diálogo e de confrontación
de actividades como as que se teñen protagonizado pola "Compañía
de Teatro de Braga" no seo da "Cena Lusófona",
as compañías signatarias queren dar a súa aprotación
positiva ó desenvolvemento teatral da rexión galaico-portuguesa
onde desenvolven a parte máis substancial da súa actividade
teatral.
En materia de desenvolvemento
teatral e cultural, habitamos nun territorio onde hai moito que
facer, atravesado por debilidades conxénitas, perturbado
por incomprensións sorprendentes, susceptibilizado por carencias
estructurais, desertificado por asimetrías inxustificables.
Sen embargo, nese territorio que habitamos, temos ousado protagonizar
políticas e prácticas de transformación, iluminadas
por experiencias doutros territorios, e orientadas polo farol da
xenerosidade.
Nos últimos
anos, a sociedade da que somos parte integrante, ten vencido isolacionismos
retrógrados e alleamentos irresponsables e, dende a política
ata a vida económica, verificamos unha vontade de diálogo
e de encontro. Non queremos ser meros espectadores e beneficiarios
desa vontade. E para ese territorio concreto da materialidade inmediata
da vida queremos traer a utopía do soño na confrontación
e na diversidade das creacións artísticas.
As estradas que
rachan fronteiras ficarán máis pobres e desertificadas
se por elas circulasen a penas mercadorías; á libre
circulación de capitais e de traballadores, xulgamos preciso
acrecentar a circulación de ideas e de bens artísticos
que poidan configurar unha cidadanía europea nesta rexión.
Máis porque
esta vontade non fica a penas por piadosas declaracións de
intencións, manifestamos dende agora o noso compromiso de,
no 2001, dar os pasos fundadores desta comunidade teatral de diálogo.
Así, os signatarios desta declaracion comprométense
a concretar no próximo ano, o inicio dun programa de intercambios
co obxectivo de volver regular a presencia de compañías
portuguesas en Galicia e de compañías galegas no Norte
de Portugal, ben coa presencia das compañías portuguesas
nas outras cidades co vida teatral regular.
Este programa,
que acordan nomear como "Camiños teatrais" iníciase
en xaneiro do 2001. Neste mes o Centro Dramático Galego acollerá
en Santiago de Compostela as creacións teatrais da "Seiva
Trupe", da "Compañía de Teatro de Braga"
e do "Teatro do Noroeste"; no mesmo mes a "Compañía
de Teatro de Braga" acollerá na súa cidade creacións
do Teatro do Noroeste, da "Seiva Trupe" e do Centro Dramático
Galego; en maio, O "Teatro do Noroeste" acollerá
en Viana do Castelo creacións do Centro Dramático
Galego e da "Compañía de Teatro de Braga".
Este programa de intercambio de acolementos proseguirá no
ano 2002, cando a "Seiva Trupe" acolla na cidade de Porto,
e no calendario que se establecerá oportunamente, creacións
teatrais da "Compañía de Teatro de Braga",
do "Teatro do Noroeste" e do "Centro Dramático
Galego".
Esta vontade de
intercambio non ten, entre tanto, calquera límites exclusivistas
e corporativos. Neste sentido, os signatarios comprométense
a alongar o territorio teatral que agora concretan as outras creacións
e estructuras que desenvoven o seu traballo dos dous lados do rio
Miño, e tamén garanten o seu empeñamento de
propor as mostras e festivais que se realizan no seu espacio de
intervención- "Feira de Teatro da Galicia", "Festival
Internacional de Teatro de Ribadavia", "Festeixo"
de Viana do Castelo, "Mimarme" de Braga e "Fitei"
de Porto, a presencia regular de compañías do Norte
de Portugal e da Galicia nestes acontecementos.
As compañías
signatarias desta vontade consideran, entretanto, que o sentido
do diálogo e do intercambio non se esgota no acollemento
das creacións teatrais propias, e que a súa profundización
require que a realización de coproduccións entre as
estructuras signatarias para constituir un instrumento preciso de
aproximacións e de coñecemento, como os ollos postos
nos públicos das cidades onde desenvolven a súa actividade.
Así, e no
ano 2001 acolle dende xa no seo desta vontade a realización
dunha coproducción bilingüe a desenvolver polo Centro
Dramático Galego, polo Teatro do Noroeste e polo FITEI, baseado
nun texto inédito do dramaturgo Roberto Vidal Bolaño
escrito especificamente para o efecto, coa estea marcada para a
edición do ano que ven dese prestixioso festival internacional
de teatro.
Pensamos que estes
son pasos fundadores do coñecemento urxente de veciños
teatrais que descoñecen, ou que mal se coñecen aínda,
fudamentais para que o necesario proceso de internacionalización
do teatro das dúas comunidades non se reduza a un mero evento
ocasional. Ademais, tamén pensamos que este é un designio
en moito sobrepasa a vontade de catro estructuras teatrais. A teima
das institucións que rexen as políticas teatrais e
culturais de Portugal e da Galicia, máis tamén de
organismos como o Eixo Atlántico do Noroeste Peninsular e
o Grupo de Traballo Galicia /Norte de Portugal ten, neste eido,
un papel estimulador e dinamizador non neglixente para que esta
vontade se aprofundize e se solidifiquen e normalicen relacións
bilaterais que sexan máis que simples relacións de
vinganza. E para que os camiños que agora se abren teñan
sempre múltiples direccións.
|
