Noticias sobre a literatura galega http://www.culturagalega.org/lg3 2011-09-07T11:43:11+01:00 http://www.culturagalega.org http://www.culturagalega.org/imaxes/footer/titulo.gif text/html culturagalegaorg Redaccion http://www.culturagalega.org/noticia.php?soportal=lg3&id=19448 A VI Edición do Encontro de Escritores/as Novos/as, que organiza a Asociación de Escritores en Lingua Galega, celébrase o vindeiro 17 de setembro na Sala Normal da Coruña. <i>Da tinta á pegada dixital</i> é o lema dun encontro no que haberá intervencións sobre as revistas literarias na era dixital, ou <i>As revistas dixitais en Galiza: pasado, presente e futuro</i>. Pola súa banda, en Vigo, os xoves seis e vinte de outubro e mais o tres de novembro, a Facultade de Filoloxía e Tradución da Universidade de Vigo acollerá as sesións do VI Ciclo de mesas redondas Escritoras/es na Universidade, tamén coordinado pola Asociación de Escritores en Lingua Galega. Desta volta, o lema escolleito é <i>Literatura galega hoxe (alba de gloria ou solpor dos deuses): poesía, narrativa, teatro. Os escritores/as perante a crise</i>. text/html culturagalegaorg Redaccion http://www.culturagalega.org/noticia.php?soportal=lg3&id=19443 Hai non tanto tempo eran moitas as voces que sinalaban que o Día das Letras era unha celebración caduca e con pouco futuro. No entanto, as edicións dos últimos anos, dedicadas sucesivamente a nomes de lustre e con contrastada calidade literaria como Xosé María Álvarez Blázquez, Ramón Piñeiro ou Uxío Novoneyra detiveron unha certa tendencia a apostar pola recuperación de autores pouco coñecidos. A consolidar a data, o día dedicado a Lois Pereiro neste 2011 amosou unha mobilización inédita pola súa amplitude e a variedade e manifestacións que se realizaron arredor deste autor desde a sociedade civil. text/html culturagalegaorg Redaccion http://www.culturagalega.org/noticia.php?soportal=lg3&id=19440 O xoves cúmprense sete anos do pasamento de Manuel María. Unha efeméride que festexarán con música e audiovisual no Teatro Rosalía. Alí Anxa G. Refoxo presentará "De amor e cantería", unha recreación audiovisual dos poemas de "Sonetos á casa de Hortas" nos que o autor chairego expresa a significación que para el tivo a súa casa natal en Outeiro de Rei. A proxección completarase coa actuación musical de Xabier Díaz e Guillerme Fernández, que estrearán cinco pezas sobre poemas de Manuel María. Non é a única homenaxe prevista, o propio xoves na súa Terra Cha natal haberá outro acto de homenaxe que inclúe desde un recital de poestía, outro musical e un xantar. text/html culturagalegaorg Redaccion http://www.culturagalega.org/noticia.php?soportal=lg3&id=19433 Marcha Mundial das Mulleres, Mulleres Nacionalistas Galegas, Asembleia de Mulheres do Condado, Nomepisesofreghao e Rede Feminista Galega son os colectivos que protagonizarán a actividade central do Festival de Poesía do Condado. Trátase dun debate sobre a actualidade das loitas do movimento feminista, temática que este ano protagoniza o cita lírica mais importante do país. Son 25 edicións que este ano contará co tradicional recital poético no que este ano participan unha ducia de persoas entre as que destaca Ana Romaní, Sechu Sende, Xosé María Álvarez Cáccamo ou Andrea Nunes. Hoxe e máis mañá sucederanse as actividades lúdicas e culturais desta celebración poético musical. text/html culturagalegaorg Redaccion http://www.culturagalega.org/noticia.php?soportal=lg3&id=19393 Son libros especiais, diferenciados, con amplísimo traballo de investigación e documentación por detrás…e, por suposto, moi caros. Por iso, as editoras preparan relativamente pouco exemplares e abren escasas liñas deste tipo de producto case de delicatessen. “Son libros que teñen auténtico interese cultural pero que teñen dificultades comerciais evidentes” afirma Manuel Bragado, responsable da editorial Xerais, unha das beneficiadas desta convocatoria de axudas que permitirá que se materialicen obras que, doutro xeito, nunca verían a luz. text/html culturagalegaorg Redaccion http://www.culturagalega.org/noticia.php?soportal=lg3&id=19317 “Estamos facendo o que xa se debía ter feito hai tempo”, afirma Xesús Couceiro, o veterano libreiro do establecemento do mesmo nome na Praza Cervantes de Compostela. Refírese a unha nova iniciativa da editorial, que combina a experiencia como libreiros de vello da empresa co aproveitamento das oportunidades das novas tecnoloxías e o novo escenario do libro como obxecto. O obxectivo: dixitalizar primeiras edicións dos libros senlleiros de autores galegos e servilos á carta. Algo que comezaron a facer editoriais foráneas e que Couceiro quere recuperar para Galicia. text/html culturagalegaorg Redaccion http://www.culturagalega.org/noticia.php?soportal=lg3&id=19344 A crise da Fundación Premios da Crítica, que comprometía a continuidade dos galardóns que lle dan nome, semella ter pasado. A entidada presentaba onte o seu novo padroado, co que pretende rexuvenecerse e feminizarse. Deste xeito, intégranse na formación María do Cebreiro, Blanca Roig, María López Sández, Charo Portela, Inma López Silva e Comba Campoy, co que seis dos dezaseis compoñentes pasan a ser mulleres. Como primeiro proxecto, a Fundación pretende entragar o vindeiro 20 de outubro os premios en Vigo, a súa ubicación tradicional, aínda que os responsables recoñecen que teñen pendente definir as categorías que se recoñecerán nesta xeira. text/html culturagalegaorg Redaccion http://www.culturagalega.org/noticia.php?soportal=lg3&id=19331 Continúa a xeira de faladoiros que o Consello da Cultura Galega está a lle dedicar a Álvaro Cunqueiro con ocasión do seu centenario. O vindeiro día 4 será a Casa da Xuventude de Mondoñedo a que acolla, a partir das 20:30 horas, a sesión dedicada a <i>Boticas, menciña e maxia</i>. César Cunqueiro, Francisco Díaz-Fierros, Ángel Vázquez de la Cruz e Xosé Ramón Mariño Ferro analizarán a pegada destas cuestións na obra do autor. Ortigueira continuará o ciclo co faladoiro <i>Guerra e literatura</i>. Será a partir das 21 hora no Teatro da Beneficiencia onde Henrique Monteagudo, Carlos González Reigosa, Eloy Fernández Clemente, Dolores Vilavedra, Fermín Bouza Álvarez e Ramón Villares debaterán sobre esta cuestión. text/html culturagalegaorg Redaccion http://www.culturagalega.org/noticia.php?soportal=lg3&id=19323 Co título <i>A investigación en valor. Diálogos 01</i>, o número 190 de <i>Grial</i>, que acaba de saír do prelo, presenta un amplo dosier que analiza diferentes aspectos desta cuestión. Nos artigos incluídos neste epígrafe trátanse desde os modelos para investigar, a competitividade do traballo que se fai neste sentido en Galicia ou as posibilidades de vencellar eduación e empredimento. Unha entrevista con Jean-Philippe Toussaint, un artigo de Alberte Valverde sobre <i>As relacións interartes en Lois Pereiro</i> ou a reflexión de Ramón Villares sobre <i>Estratexias para a cultura. Por un novo contrato</i> son outros dos contidos que fan parte desta entrega. text/html culturagalegaorg Redaccion http://www.culturagalega.org/noticia.php?soportal=lg3&id=19321 O Premio Especial do Director da Semana Negra de Xixón, que outorga cada ano Paco Ignacio Taibo II, foi para o galego Diego Ameixeiras pola súa novela <i>Dime algo sucio</i>. O libro, publicado recentemente en castelán polo selo Pulp Books presentouse neste mesmo evento. Ameixeiras comparte o galardón ex-aequo con Cristina Fallarás, autora de <i>Las niñas desaparecidas</i>.