Manuel Seixas
 

"Din que son escritor, músico, traballador da filosofía, socio fundador da editorial Madame Mir, pai compañeiro; mais todo isto non son nin máis nin menos que tentativas de camiñar entre a derrota e a esperanza". Deste xeito comeza o curriculum no que Manuel Seixas define a súa traxectoria vital ó mesmo tempo que o converte en case que un autorretrato. A realidade avala todas e cada unha das actividades das que esta definición da conta.

A súa actividade como escritor referéndase polas seis obras que ten publicadas, en 1996 publicou o libro de relatos "Viñeron do espacio interior" (Eds. Positivas) e ese mesmo ano gañou o premio Xerais coa novela "A velocidade do frío" (Eds. Xerais), despois coa novela "Bailarina" (Eds. Xerais, 1999) aportou á literatura galega unha das poucas obras de xénero de ciencia-ficción; ten publicados dous poemarios "Vestixios do verme" (Eds. Positivas, 1999) e o que supón a súa obra máis recente "Diario de ausencias" (Eds. Tema, Lisboa, 2001). Esta actividade literaria tamén se mestura nalgúns intres coa súa faceta musical, como é o caso do CD en solitario "A velocidade do frío" (Xerais,1997) que supón unha versión musical da súa novela do mesmo nome. Tamén en solitario gravou "Presentimento" no 2001, gravación que realizou na editora musical Madame Mir, da que é socio fundador e coa que tenta revitalizar a escena da producción musical do país. Os seus proxectos musicais veñen de lonxe, xa co grupo Korosi Dansas gravara dous discos "Cordura" (Man Records, 1995) e "Non!" (Chorima Records, 1996), así como coa banda "Coro dos Rozadores" cos que edita varias cancións e cd's conxuntos.

Actualmente Manuel Seixas compatibiliza o seu traballo como profesor de Filosofía no Instituto de Vilanova de Arousa, preto da súa Vilagarcía natal, con toda a súa actividade creativa. Neste momento está metido de cheo na presentación do seu último disco "Presentimento", para o cal ten formada unha banda "interxeneracional" na que xunta a antigos compoñentes de Korosi Dansas con ex- alumnos seus "algo marabilloso", asegura el. A formación, que ten por nome "Manuel Seixas Neuroband" comezará a dar concertos a partir de xullo. Tamén anda a escribir na teima de acadar unha obra definitiva, "sigo coa miña eterna novela-salvaxe que algún día rematarei", di Manuel, "non teño présa. O mundo seguirá igual a escriba ou non".

Seixas atopa na rede información que usa no instituto, para a súa docencia e tamén como apoio a unha vídeo-músicoteca que montou no centro e para a que baixa carátulas, mp3, etc. tamén fai algunhas compras puntuais na rede, "¡merco a través de Internet, con tarxeta incluso!". Manuel non dubidou en facer a súa páxina persoal: www.manuelseixas.com para que quen o desexe poida saber del e da súa obra, e aproveita para recomendar a visita e inducir á creatividade a través desa plataforma "para que me mandedes cousas" na sección de Espacio de creación. Desde ese foro Manuel invita todos a participar con el e agarda aí por esas ideas, "espero por vós".

 

 

   
 
http://www.nicedream.8k.com/

  Para amantes de Radiohead. Bastante completiña e con traduccións das letras

   
 

http://members.tripod.com/~pinkf/

  Para introducirse no mundo floydiano. Tamén algunhas letras traducidas e análises de interese
 
   
 

http://www.disciplineglobalmobile.com/

  Se gostas de King Crimson e de toda a súa filosofía. En inglés. Moi bo gusto
 
   
 
http://www.petey.com/kk/
  Para os que alucinamos co cine de Kieslowski. En inglés
 

 

 

 
 
http://www.uab.es
  Páxina da Universidade Autónoma de Barcelona. Moi interesante o Centre Telematic de Filosofíar.
 
   
 
http://www.redesescarlata.org
  Páxina de aquel@s que queremos cambiar este mundo "global".
 

 

 

 
 
http://www.ctv.es/USERS/luz/
  Páxina O CU DO MUNDO. Chea de material moi proveitoso. Galego puro.
 
 
   
 
http://www.vieiros.com
  O lugar galego para atopar e atoparnos
 

 

 

 
 
http://www.terravista.pt/Enseada/2991/
  Mares de Simbad, a páxina de Rafa Villar. Preciosa.
 
   
 
http://www.storm-magazine.com/
  Revista portuguesa que nos indica culturalmente o por qué de "menos mal que nos queda Portugal".
 

 

 

 
 
http://www.rebelion.org
  Páxina para seguir loitando. Bos artigos
 
   
 
http://www.bravu.net
  O portal que se actualiza cando se precisa. Tentativa de abrir fronteiras a unha etiqueta que estira como o chicle.
 

 

 

 
 
http://www.luagris.net
  Páxina do poeta Eduardo Estévez. Boa poesía e moito máis.
 
   
 
http://www.ctv.es/USERS/mforca/
  O xa clásico Ximnasio de Academo de Manuel Forcadela. Impresionante chea de información e ligazóns .
 

 

 

Cultura Galega.org
Inicio /Especiais / Arte / Comunicación / Música / Espectáculos / Historia / Lingua e Literatura / Sociedade /
Certames / Arquivos / Participa / Xénese / Alén da Terra / Zona Cultura / Colaboracións
Correo / Acerca de Cultura Galega.org


Cultura Galega.org é unha iniciativa do Consello da Cultura Galega
©Consello da Cultura Galega, 2000