Este Ferrolán está considerado coma un dos músicos de jazz con máis proxección internacional de todo o estado. formado no Conservatorio da Coruña e no Municipal de Barcelona completou os seus estudios de contrabaixo cos profesores Fernando Sala, David Thomas e Todd Coolman. Ten pasado por grupos de diferentes xéneros, desde o folk de Doa á improvisación da Orquesta Foco. Ademais, participou en diversas formacións de jazz como foron Clunia (segundo premio no Festival de Jazz de San Sebastián de 1983), Maria Joao Cuarteto (primeiro premio no Festival de Jazz de San Sebastián de 1985), Circe, Javier Paxariño ou Zyklus, co que participou en destacados festivais internacionais.

Baldo Martínez ten publicados tres discos, "Jazzhondo" (1996), "Juego de niños" (1998) e, o máis recente, "Nai", publicado o ano pasado. Este disco foi gravado co seu quinteto habitual e recolle influencias da música de raíz pasadas a través do jazz. O álbum foi elexido como segundo disco do ano pola revista "Cuadernos de Jazz".

Na actualidade prepárase para participar no Festival Eurojazz que celebrará en México e que recolle os proxectos máis interesantes de todo o continente. Tamén realizará, ata o 25 de abril unha xira por todo o país que continuará despois por España co proxecto "Un Texto un contrabajo", que mestura músia e poesía.Tamén prevé actuacións este verán con "Proyecto Minho", unha encarga do Festival Internacional de Jazz de Guimaraes no que mestura música popular galega e portuguesa con jazz.

O emprego que de Internet fai este músico e fundamentalmente profesional, para contactar con outros músicos, coordinar concertos ou enviar material. Ten ademais unha web persoal na que amosa o seu curriculum e os seus proxectos. A rede permítelle tamén coñecer xente de todo o mundo que lle escribe a miúdo a través da súa web.

Páxina persoal de Baldo Martínez
http://perso.wanadoo.es/baldomartinez