César varela é unha desas persoas que andan metidas en moitas historias diferentes ó mesmo tempo, aínda que sempre coa música como telón de fondo de todas as actividades.
Co seu grupo "Playmother & Fuckerback" da concertos case ininterrumpidamente por toda a xeografía galega desde a súa presentación en abril do pasado ano. Tamén, e en paralelo con esta actividade, leva adiante a edición dun coidado e impecable fanzine sobre grupos musicais de Compostela, "Plástico Elástico" que xa sacou o seu primer número á rúa. A acollida tan favorable que recibiu esta publicación levou a César a colaborar na revista MondoSonoro, un dos referentes da música independente actual, da que agora é correspondente para a edición de Asturias, Galicia e León escribindo sobre grupos galegos.

Inventores do "motherfucker freestyle" , as letras das cancións de "playmother & fuckerback" son "afiadas como un coitelo" ou "caídas como unha granizada", e o seu espectáculo en vivo ten unha posta en escena que non deixa de impactar ó seu público, mentres inundan, el e máis o seu compañeiro Xulio , os rtimos soul, trip-hop, house e funk coas súas voces e as súas coreografías.

César está xa presentando o novo repertorio de cancións de "Playmother & Fuckerback" en distintios concertos estes días, e vai con prisas dun sitio para outro, sin parar na súa frenética actividade agás de cando en vez para consultar o seu correo electrónico, responder á xente e mandar ós medios de comunicación correos promocionais dos concertos de "Playmother & Fuckerback". César tamén navega de cando en vez mirarndo algunha páxina que lle resulte interesante.