Carme Hermida Gulías é doutora en Filoloxía Galega e dá clases do noso idioma na Facultade de Ciencias da Comunicación de Santiago de Compostela. Aínda que naceu en Portela de Lamas (Pontevedra) ós nove anos marcou coa súa familia a Euskadi, onde decidiu estudiar Filoloxía Galega porque era "a única carreira que me permitía volver a Galicia". Desde que en 1983 entrou como bolseira no Instituto da Lingua Galega (ILG) veu desenvolvendo un intenso labor didáctico e de investigación.
Entre os seus traballos máis coñecidos atopamos o libro "Os precursores da normalización", publicado en Xerais. Ademais, é coautora do "Gran Diccionario Xerais da Lingua", traballa no ILG e dirixe a colección de literatura infantil e xuvenil na editorial Sotelo Blanco.
O seu último traballo unha recensión sobre o libro de Méndez Ferrín "Un escritor nos xornais", que recompila os traballos publicados polo autor en "Faro de Vigo" no ano 2000. Actualmente traballa na adaptación do "Gran Diccionario Xerais" para que esta obra substitúa ó actual diccionario da editorial. Ademais, prepara para esta mesma casa unha edición de "A gaita gallega" de Xoan Manuel Pintos e, cos seus veciños de Cacheiras, prepara unha exposición de fotos antigas da zona.
O seu emprego de Internet é, segundo ela, "puramente instrumental", decantándose a súa navegación cara a webs de información e especializadas en Filoloxía. Non adoita navegar moito.