O de Avelino González (Vigo, 1962) é teatro en estado puro. E é que o gusanillo da interpretación picouno con dezaoito anos, cando embarcou en "A Farándula" de Vigo, onde estivo ata 1984. Desde entón foi de aquí para alá, formando parte en diferentes producción tetrais, impartindo cursos.... E con tanta experiencia no seu haber tamén hai un premio, ó mellor actor secundario que comparteu en 1993 polo seu traballo en "Un soño de verán".

E agora interpreta, pero doutro xeito, como "Actor de Captura de movementos", é dicir, prestando os seus xiros, saltos, e xestualidade para que un ordenador os convirta nos movementos para debuxos animados. E iso sen esquecer as súas colaboracións habituais na Radio Galega e que anda por ahí contando e pergueñando contos, bucando cousas que facer en teatro, cine, televisión, narración oral...

A internet é unha máis das súas ferramentas de traballo que usa para buscar informacións, para curiosear en historietas... como non teatrais. Algo que lle recorda "ó rebusque, cando de pequeno andaba polos vertedoiros incontrolados monte arriba, remexendo sen buscar nada en concreto a ver que aparecía, un día aparecéu unha colección de selos marabillosa con selos de antes da guerra civil, á par dela había moitas latas valeiras". Pero non só iso, senón tamén "para que me curioseen, informen etc" para o que está a construír a súa páxina (que espera ter colgada en marzo ou abril). Como di el "Outra lata no vertedoiro".

Enlace a Ollomol Tranvía