Manuel Casal Lodeiro, tamén coñecido como Casdeiro, é un galego nacido en Barakaldo en 1970. Na actualidade e consultor de proxectos en Internet e traballa na empresa basca Integral de Medios.
Un dos pioneiros de Internet en Galicia, participando na fundación das Ciberirmandades da Fala. Ademais, creou e editou o fanzine electrónico "Synapsis", hoxe xa desaparecido, e desde 1996 vén desenvolvendo a Comunidade Virtual Fillos de Galicia, un proxecto que pretende aproveitar as posibilidades da rede para pór en contacto os fillos e netos dos galegos emigrados co seu país natal e coas súas familias.
Para xestionar este espacio creou a Asociación Cultural Fillos de Galicia, que vén de celebrar a súa II Asemblea de socios a través de Internet.
Entre os seus proxectos máis inmediatos está o de consolidar "Fillos de Galicia" para o que está a buscar apoio financeiros nas institucións galegas. Ata o de agora a comunidade veuse sostendo exclusivamente a base de traballo voluntario, convertíndose nun dos sitios webs máis destacados do panorama galego.

Máis información sobre Fillos de Galicia en http://www.fillos.org
Máis información sobre Casdeiro en http://www.simil.com/casdeiro