Este actor galego está a facerse coñecido nos últimos anos a través da súas aparicións nun bo número de produccións realizadas na nosa terra. Se no último ano participou nas rodaxes de "O lapis do Carpinteiro", "Ilegal" ou "O alquimista impaciente", antes xa o puideramos ver no filme dogma "Era outra vez" ou, aínda antes, en "Divinas palabras". Ademais, desde 1996 está a chegar ás nosas casas por televisión mediante a participación en series coma "Pratos Combinados", "Mareas Vivas" (onde tivo un personaxe fixo na tempada do pasado ano), "Pequeno hotel", "Terra de Miranda", "Galicia Exprés" ou "El Comisario" entre outras.
Recentemente puidemos velo a pasada Ultranoite de Nadal na sala Nasa nun sketch acompañado por Dani Méndez.
Ten participado tamén en diferentes curtametraxes e produccións de video desde 1995 e realizado numerosos spots publicitarios.
En breve comezará a rodaxe da longametraxe "Días de voda" de Juan Pinzás e está pendente de confirmar tres proxectos cinematográficos máis.
O seu emprego de Internet é fundamentalmente "para enviar e recibir correo" especialmente guións, e par servicios concretos coma reservar billetes de avión, facer operacións bancarias e buscar informacións concretas, é pouco dado a navegar ó chou.