Esta fotógrafa naceu en Ponferrada en 1977 e ten participado en diferentes exposicións colectivas, coma "Sen Obxectivo" ou "Por nós mesmas: as mulleres na fotografía" entre outras. A súa obra estivo presente na sección "Novos Valores" da Fotobienal de Vigo co proxecto "Identidades " que se espuxo na edición do ano 2000 na que aportou unha serie de retratos de cegos que poden verse actualmente no Museo do Pobo Galego. Licenciouse recentemente na en Belas Artes na especialidade de deseño e audiovisuais, e en breve comezará o Doutorado de Pintura na Facultade de Belas Artes de Pontevedra.
O seu último traballo poderá verse o vindeiro mes de febreiro en Caixa Galicia. Trátase da serie "Eu quero ser..." integrada dentro dunha mostra colectiva sobre a terceira idade. Nesta serie, Zoraida retrata a aproximadamente unha ducia de anciáns caracterizados da profesión que soñaban e á que non puideron chegar.
Ademais, está a participar nun proxecto sobre web que constituirá, segundo Zoraida, "unha enciclopedia de soños". Neste espacio en Internet recollense soños de diferentes persoas ó tempo que se pode ver o cuarto do correspondente soñador.
Para Zoraida Internet é fundamentalmente unha ferramenta de comunicación coa xente e un xeito de consultar información, pero sobre todo, emprega a rede para estar ó tanto das últimas novidades en deseño web.