Este coruñés de 43 anos abandoou os seus estudios de Arquitectura en quinto curso para adicarse ó mundo da banda deseñada, no que se iniciou en 1979 coa fundación do Fanzine "Xofre". Desde entón o seu nome estivo ligado ás revistas do xénero como Creepy, Comix Internacional ou Zona84. Pero houbo que agardar a 1985 para ver o seu primeiro álbum en solitario "Fragmentos da Enciclopedia Délfica", ó que lle seguiría "Stratos" (1987), "Tanxencias" e "Trazo de xiz" (1990) o que foi o seu traballo máis laureado e con maior proxección internaional.

A súa proxección trascende máis alá das nosas fronteiras, desde hai tempo e co apoio de factorías e nomes importantes do mundo da animación . De feito, en 1998 foi requerido pola americana Dreamworks para deseñar os persoaxes da serie de animación "Men in Black". Hoxe en día traballa nun libro para Dargaus incluído dentro da colección "Les correspondences", cun texto de Pierre Christin. Ó mesmo tempo está preparando un libro propio para Albin Michel, un libro para o "Proxecto Terra" do Colexio de Arquitectos de Galicia e outro sobre a cidade de Belo Horizonte (Brasil).

No seu mundo diario, a Internet xoga un papel de vía de comunicación que se apoia maiormente no correo electrónico. Para Miguelanxo Prado a rede é de utilidade á hora de buscar informacións concretas, de feito confesa que non lle "gusta navegar por navegar".

Mais información en Banda Deseñada