Mar Llinares
 


Mar Llinares (O Pindo- Carnota, 1961) é profesora de Prehistoria na Universidade de Santiago, onde se doctorou en Xeografía e Historia en 1989. É unha das principais investigadoras dos aspectos antropolóxicos da nosa historia, de feito os seus traballos sobre o mundo mítico da cultura popular galega constitúen unha das orientacións principais do seu traballo.
En 1990 publica o libro "Mouros, ánimas e demonios". Tamén ten publicado "Os mouros no imaxinario popular galego", e "El imaginario popular gallego". Tamén ten traballos publicados sobre a historia das mulleres (na revista Gallaecia e no Consello da Cultura Galega).
Na actualidade Mar Llinares está incluída en proxectos relacionados co patrimonio etnográfico, ten pendente de publicación un artigo de crítica ó tratamento que fai a lei de patrimonio sobre os aspectos etnográfico e inmaterial da cultura, tamén está a desenvolver un estudio sobre a casa galega no que tenta plasmar a influencia dos cambios socioeconómicos na estructura da casa campesiña.
Mar Llinares recoñece que usa Internet para cousas moi concretas, non adoita navegar errante pola rede. Asegura que Internet lle sirve para consultar referencias bibliográficas, pero que prefire os libros en papel como material de estudio, "non creo que haxa que perder a cabeza cos ordenadores", asegura a doutora, mentres recoñece que o correo electrónico é unha ferramenta estupenda, "pero non un fin en si mesmo", apresúrase en dicir.
Unha das teimas desta investigadora é levar a fin un estudio sobre ó tratamento do corpo feminino na cultura popular. Unha teima que ela mesma recoñece que "ven de lonxe e vai para longo, xa que precisa de moito tempo e traballo de campo". O seu interese neste tema, baséase no tratamento que secularmente tivo o corpo da muller como un obxecto "perigoso e contaminante"- di Mar llinares- "do que as veces ata se dicía que unha muller non podía facer maionesa mentres estaba coa menstruación, xa que se lle cortaba". Mar ten seguro que pensa rematar este traballo nalgún momento, "cando teña tempo".


 
   
 
http://www.conversas.org
  É unha páxina que contén o traballo de recollida de lendas, contos, historias de tradición oral en xeral en Galicia, realizada por a Asociación Cultural Conversas (toda a información se recolle na páxina). Alguén me recomendou esta páxina, pero non consigo recordar quen. O especial encanto (e tamén utilidade, se nos interesan asuntos como as variantes idiomáticas, etc.), é a posibilidade de escoitar directamente as gravacións, o que permitirá ás persoas que as escoiten darse conta da beleza que ten o traballo de campo e o contacto persoal coa xente.

   
 
http://www.mcu.es/nmuseos/altamira/portada.html
http://www.atapuerca.com/

[Museo]



[Atapuerca]
  Estas dúas páxinas foron expresamente buscadas por asuntos relacionados coa miña docencia. Os alumnos coñecen polos medios de comunicación os traballos de Atapuerca, e a experiencia de reconstrucción da cova de Altamira para permitir a súa visita e estudio sen danar as pinturas orixinais permíteme introducir temas relacionados precisamente co patrimonio, que está agora tan de moda. A páxina de Altamira promete algunhas cousas máis que parece que teñen sen facer.

   
 
http://ethnographic.com/
  Esta páxina responde xa ós meus intereses persoais, aínda que relacionados coa miña actividade investigadora. Recolle direccións relacionadas con música, museus, publicacións, etc., relativas ó que se chama, a falta de algo mellor, Òculturas etnográficasÓ. Aínda que non teño coñecementos específicos de música, interésanme moito as formas musicais propias de culturas alleas á miña, así como as formas artísticas, e sobre todo os desenvolvementos artísticos novedosos a partir de formas tradicionais.

   
 
http://concellocarnota.com/
  Esto é claramente facer patria. Respecto da propaganda que pretende que se visite esta zona, invádeme unha sensación contradictoria: gústame que a xente veña e vexa, pero tamén me da un pouco de medo que non se controle e se estrague precisamente o que ten de fermoso este val.

 

 

Cultura Galega.org
Inicio /Especiais / Arte / Comunicación / Música / Espectáculos / Historia / Lingua e Literatura / Sociedade /
Certames / Arquivos / Participa / Xénese / Alén da Terra / Zona Cultura / Colaboracións
Correo / Acerca de Cultura Galega.org


Cultura Galega.org é unha iniciativa do Consello da Cultura Galega
©Consello da Cultura Galega, 2000