Santiago Jaureguizar naceu en 1965 en Bilbao e desde hai xa anos vén traballando coma xornalista en "El Progreso" de Lugo. A súa carreira coma literato vén marcada pola ruptura das convencións con obras coma "Fridom spik", "Comendo espaguetis diante da televisión", "As horas sucias" e "Breve crónica universal da clase obreira", (que se publicará en breve), todas elas cun forte compoñente vangardista encadrado no movemento Bravú. É autor tamén de tres novelas xuvenís e ten sido pioneiro na introducción da literatura galega na rede con proxectos coma "Familia feliz" en Vieiros.com ou a web Infimos.net. Tamén ocupa o posto de "vocalizador" en Elvicristo Machine, grupo de narrativa trip-hop.

A súa última novela editada é "As horas sucias" (Xerais), que trata "sobre un xornalistas comprador compulsivo de colchóns que, para manter a súa carreira, planea o secuestro do escritor Manuel Rivas". Para o mes de decembro está prevista a publicación "Breve crónica universal da clase obreira", coa que vén de obter o premio Lueiro Rey.
Como proxectos a curto prazo está pendente da edición da obra de teatro "Estación Mir" na editora luguesa Tris Tram. A obra "vai dun cosmonauta que viaxa á Mir e acaba nunha estación de tren". Tamén está a desenvolver sobre unha nova novela negra.

Navega sistematicamente pola rede "vintecinco das vintecatro horas do días". Emprega internet "Para informarme do que acontece, para buscar dados que me axuden no meu traballo de xornalista, para ler e difundir literatura, para comunicarme cos meus amigos e pelexar cos meus inimigos, para comprar camisetas, para procurar libros, para notificar cousas ó banco, para pasar o tempo..".

.