"A
PEDRA" 4' 55"
Dirección
e guión: Ricardo Boo Valiño
Producción: Emilio González
Axudante de producción: Arturo Pato Maldonado
Scretaria: Susana Gato
Edición e Postproducción: Santiago Torrado
Sonorización: José María Rosillo
Cámara: Fran Piñeiro
Axudante de cámara: Xosé Ramiro Axeitos
Técnico de grabación: José Prata
Música orixinal: Manuel Rodeiro
Intérprete: Miguel Bernat
|
Nesta
realización a presencia pétrea en santiago adquire
unha relevancia fora do común, achegada ó máxico.
Hasta os homes, co seu costume de darlle unha cabezada ó
"Santo dos Croques" cren nos poderes que atesouran as
pedras, sen dúbida un dos elementos singulares de Santiago,
onde a pedra é vida. Ricardo Bóo, xoven realizador
nado en Compostela percorre a cidade facendo que pareza vivir
un soño de pedra.
Un dos aspectos máis destacados desta realización
é a música, espresamente creada para para a mesma
polo compositor, divulgador e experto en música contemporánea
Manuel Rodeiro. Esta creación orixinal é intrepretada
por Miguel Bernat, un dos mellores percusionistas europeos, quen
suxiríu a posibilidade de construir un novo instrumento
baseado en pedras resoantes para interpretar a obra.
O
realizador
Ricardo Bóo naceu en Santiago en 1963. Comezou a súa
carreira profesional como fotógrafo independente e colaborador
habitual dos xornais "El Correo gallego" e "El
Faro de Vigo".
Entre 1986
e 1990 realizou a postproducción de numerosos spots publicitarios
(ONCE, RENFE, Cepsa, BBV...), cabeceiras de programas de televisión
(Metrópolis, Tendido Cero, Rocko Pop) e moitos videoclips,
así como retransmisións deportivas de TVE, introducindo
sistemas de efectos dixitais en tempo real nas unidades móbiles
de realización. Durante este periodo realizou o grafismo
e a postproducción do programa concurso "Pasacalles"
e levou adiante o deseño e a realización da imaxe
de canle das televisións ETB1, ETB2 e Canal 9, asi como
a imaxe gráfica e continuidade de Eurosport, RTL, e Antena
3.
En 1990 incorporouse a CANAL+ como editor e realizador dos programas
"Lo + Plus" e "Mucho +" e en 1993 entrou como
realizador no departamento de autopromoción da cadena de
pago.
En 1997 comezou a traballar en Canal Satélite Digital como
xefe de realización e codirector do departamento de autopromoción
e en 1998 entrou a formar parte da plantilla da Compañía
Independente de Televisión (CITSL), factoría das
canles temáticas de Sogecable, one na actualidade é
co-director do departamento de Autopromoción.
Seis olladas
Durante o ano 2000 a cidade de Santiago de Compostela tivo o título
de Capital Cultural de Europa. Esta celebración e a programación
constante de actividades que se deron na cidade influiron en moitas
das produccións artísticas e culturais do momento.
Entre algunhas da produccións audiovisuais que se realizaron
con motivo da capitalidade cultural están seis traballos
de videocreación impulsados por CANAL+. Baixo o
título xeral de "Seis olladas de Compostela"
outros tantos realizadores tentaron recrear a esencia da capital
compostelá. A estrea destes seis traballos fíxose
dentro dunha programación televisiva especial que CANAL+
emitiu para festexar a capitalidade cultural no día festivo
do 25 de xullo, baixo o título "Día de Santiago".
"Os Peregrinos", de Xavier Bermúdez, é
unha destas creacións. Outros realizadores como Isabel
Coixet, Antón Reixa, Manuel Iglesias,
Ricardo Boo e Manuel Palacios, asinan os demais
traballos. O escritor Manuel Rivas actúa como prologuista
do conxunto destas seis persoais visións sobre Santiago
de Compostela aportando tamén el, a través da palabra,
a súa propia visión sobre a cidade de pedra.
