|
O que é o primeiro observatorio astronómico
de Galicia muda estes días os seus telescopios polos cadros
e escultura. ESte é o escenario no que durante vintedous
días os novos valores da arte exhiben as súas creacións
dentro da Vª edición da Bienal Laxeiro de Lalín.
Lalín entra na vangarda
A casa-museo do astrónomo, Ramón María
Aller Ulloa, acolle desde hoxe ata o vindeiro oito de xuño,
unha nova edición da Bienal de arte. Unha das citas ineludibles
coa arte en Galicia.
Moito máis nova que a Bienal de Arte de Pontevedra, organizada
pola Deputación de Pontevedra e que leva xa vinteseis edicións
realizadas, a Bienal de Lalín, pretende facerse un oco dentro
do panorama artístico en Galicia.
Este ano o certame preséntase cunha vocación máis
vangardista e internacional que nunca. Corenta e nove pintores,
dezanove esculturas forman o cartel desta edición, no que
destacan nome de artistas tan coñecidos como Gillermo Aymericho,
Acisclo Novo, ou Manuel Lareo.
Desde Colombia ata Bos Aires, e desde Asturias ata Zamora, Valencia,
ou Alemaña, o lugar de procedencia das obras desta V edición
é bastante heteroxéneo. Unhas obras que foron escollidas
por un xurado composto por D. Jesús Hernández Sánchez, D. Antón
Castro, Dona Susana Cendán, actuando como presidente D. José Crespo
Iglesias, como secretario D. Román Rodríguez González e como comisario
D. Damían Salvador Payo Cangado (os tres últimos membros sen voto).
A súa elección pretende amosar o estado da arte e
da vangarda nas últimas creacións.
A
bienal xurdíu como homenaxe ó pintor lalinense "Laxeiro"
Unha
bienal, unha homenaxe repetida
En
1993 o Concello de Lalín e varios artistas do Deza elaboraron
un proxecto que pretendía honrar ó gran pintor e mestre
Xosé Otero Abeledo, "Laxeiro". Como resultado deste
interese xurdíu un espacio que pretende aglutinar, cada dous
anos, o máis relevante e vangardista das creacións
pictóricas e escultóricas de Galicia. E van xa cinco
edicións nas que se pretende que a vila natal de Laxeiro
vexa crecer e fomentar o impulso dos novos valores que non atopan
un circuito dentro dos ámbitos de exhibición. De feito,
moitos dos creadores que espuxeron nas edicións anteriores,
tiveron no capital do Deza o resorte que os elevou de promesas a
novos valores dentro do panorama artístico.
Mostras e mesas redondas
O programa da Bienal que se acolle no Museo municipal de Lalín
inclúe, ademais outra serie de actos, como son os coloquios
e as mesas redondas. Discusións que xiran ó redor
dun triple concepto: as palabras, a dialéctica e o universo
simbólico das artes.
Consulta as obras
que o xurado elexíu para esta edición |
